تمہاری آنکھ کے آنسو

rki.news

شب کے آنچل پہ
ستارے ٹانکنے آئے
تمہاری آنکھ کے آنسو
فلک کی راہداریوں میں دھیرے دھیرے
چاندنی پاؤں دھر رہی ہے
اداسی میں سنامہتاب بے دلی سے
مسکراتا ہے
اور ایسے میں
تمہاری یاد
کسی بچے کی مانند قلقاریاں مارتی ہوئی
دوڑنے لگتی ہے آنگن میں__اور
روکے سے نہیں رکتی
یونہی شب بھر میں اس کو صبر کاجھولا جھلاتی ہوں
اور تھک کر
کسی نیم خوابیدہ پیڑ کے زانوں سے لگ کر
آخرش نیند کی وادی میں جاتی ہوں
سباس گل

رحیم یار خان