رشتے

rki.news

کبھی رشتوں میں پیار تھا
ہر دل دوسرے پہ نثار تھا

دلوں میں روشنی بسی رہتی
ہر ایک چہرہ ہی پُر وقار تھا

نہ مفاد کی دھند چھائی
ہر تعلق ہی بے غبار تھا

سخن میں خلوص بولتا
ہر کسی کا لہجہ اعتبار تھا

دل میں نہ کوئی حساب رکھتا
محبتوں کا ہی کاروبار تھا

ساتھ چلتے تھے جو عمر بھر
وہی ہر موڑ پر غمگسار تھا

نہ وقت اتنا خود غرض تھا
نہ انسان یوں شرمسار تھا

روٹھ بھی جائے کوئی لمحہ
منانا اُس کو افتخار تھا

پھر وقت نے لی یوں انگڑائی
ہر اک رشتہ بوجھ سا بار تھا

کہاں ڈھونڈو گے وہ دن اب معین
جب دل بھی اپنا یار تھا

چیف سید معین شاہ