غزل

rki.news

احمد مشتاق صاحب

مِل ہی جائے گا کبھی دِل کو یقیں رہتا ہے
وہ اسی شہر کی گلیوں میں کہیں رہتا ہے

جس کی سانسوں سے مہکتے تھے در و بام ترے
اے مکاں بول کہاں اب وہ مکیں رہتا ہے

اِک زمانہ تھا کہ سب ایک جگہ رہتے تھے
اور اب کوئی کہیں کوئی کہیں رہتا ہے

روز ملنے پہ بھی لگتا تھا کہ جگ بیت گئے
عشق میں وقت کا احساس نہیں رہتا ہے

دِل فسردہ تو ہُوا دیکھ کے اُس کو لیکن
عمر بھر کون جواں کون حَسیں رہتا ہے