rki.news
وہ جا رہے ہیں جدھر جہاں تک
مُجھے بھی جانا ہے کارواں تک
تمھاری رگ رگ میں میں بسا ہوں
مجھے نکالوگے تم کہاں تک
گلوں سے خُوشبو نچوڑ لینگے
کبھی جو پہونچیں گے گلستاں تک
مرا عروج و کمال دیکھو
مری رسائی ہےلا مکاں تک
تری دعا کا ہے مجھ پہ سایہ
کوئی یہ پہنچا دے میری ماں تک
ترے ستم کا حساب ہوگا
جب آہ پہنچے گی آسماں تک
جہاں پڑے ہیں قدم ہمارے
تری رسائی نہیں وہاں تک
اُسے نہ منصور تو عیاں کر
جو راز ہے اپنے درمیاں تک
منصور اعظمی دوحہ قطر
