غزل

rki.news

جس کا مضبوط ارادہ ہوگا
رستہ آسان اسی کا ہوگا

آزمائے گی یہ دنیا تم کو
اور ایماں کا بھی سودا ہوگا

سامنے سارے جھکائیں گے سر
جیب میں جب ترے پیسہ ہوگا

زندگی رب کے حوالے کر دے
سوچتا کیا ہے سب اچھا ہوگا

چھوڑ دے ظُلم وگرنہ ظالم
بالمقابل ہمیں آنا ہوگا

مان لے حکم خُدا کا ورنہ
تُجھ کو معلوم ہے کل کیا ہوگا

جس کا ایمان و یقیں ہے کامل
اُس کا جنت میں ٹھکانا ہوگا

چاہیے عزمِ جواں تو منصور
دل کو فولاد بنانا ہوگا

منصور اعظمی دوحہ قطر