غزل

rki.news

گفتگو جب کِسی سے کیا کیجئے
خواہ کچھ بھی ہو حق ہی کہا کیجئے

یہ مَصائِب کے دِن بھی گزر جائیں گے
خیر کی اپنے رب سے دعا کیجئے

غم ہو یا ہو خوشی مرضئی رب ہے سب
شکر رب کا ہمیشہ اَدا کیجئے

غیر کی شادمانی پہ اے دوستو
یاد رکھئے نہ ہرگِز جَلا کیجئے

غم چھپانے کا بہتر طریقہ یہ ہے
آپ بس مُسکراتے رَہا کیجئے

کیجئے بس وہی جس میں ہو عافیت
بات سب کی مگر سُن لیا کیجئے

اے نصیب آپ بھی اپنے انداز میں
شاعری میں ذرا کچھ نیا کیجئے

نصیب اللہ  بستوی  ممبئی