غزل

rki.news

درد سہتا ہوں شب ہجر میں تنہائی کا
دکھ ہے پردیس میں بچوں کا بہن بھائی کا

سارے کے سارے ہی خود غرض نظر آتے ہیں
کیا حوالہ دے کوئی ایسی شناسائی کا

گلشن امن اڑا لے گئی نفرت کی ہوا
زور تھمتا ہی نہیں ظُلم کی پروائی کا

ہو بھی سکتا ہے ترے ظُلم سے زخمی مرا دل
امتحاں یوں نہ لیا کر توں شکیبائی کا

بات کو بات ہی رہنے دو اسے طول نہ دو
کیوں بناتے ہو پہاڑ ایسی کسی رائي کا

خوابِ میں ہی سہی آ جاؤ مری جان غزل
رنگ بدلے کسی صورت شب تنہائی کا

گلشن دل میں جو منصور رہے گل بنکر
وہ اڑاتے ہیں مذاق آپ کی رسوائی کا

منصور اعظمی دوحہ قطر