غزل

rki.news

بُھوت سر پر سوار ہوتا ہے
عِشق کا یوں بُخار ہوتا ہے

ٹُوٹ جاتا ہے پِھر نشہ خود ہی
چار دِن کا خُمار ہوتا ہے

جِس کی خاطر ہو بیقراری سی
وہ ہی دل کا قَرار ہوتا ہے

وسوسے اپنا گھر بناتے ہیں
ہر یقیں تار تار ہوتا ہے

اَشک اپنے جو روک لیتے ہیں
اُن کے دِل میں غُبار ہوتا ہے

یہ محبت بھی ہو ہی جاتی ہے
اِس پہ کب اختیار ہوتا ہے

اب بھی اُس بے وفا کی یادوں کا
چاروں جانب حصار ہوتا ہے

عِشق میں غم مِلے اگر ذُلفی
راحتوں میں شُمار ہوتا ہے

✍🏻 ذوالفقار علی ذُلفی
پنڈ دادنخان جہلم