عطاۓ مدینہ مکرر مکرر
فضاۓ مدینہ معطر معطر
ہمارا مدینہ تمہارا کلیسا
ہمارا تمہارا مقدر مقدر
نبی کا گھرانہ مقدم مقدم
یہ سارا زمانہ مؤخر مؤخر
مدینہ کسی با وفا کو تلاشے
صدائے محمد ابوذر ابوذر
مدینے کی جانب چلے ہیں مہاجر
زمینِ عرب ہے مسخر مسخر
سکونِ دل و جاں مدینے کا حاصل
یہاں رہنے والے سکندر سکندر
مدینے کی آب و ہوا کتنی دلکش
یہ شہرِ نبی ہے منور منور
ہمارے تعارف میں پوچھے تو کہنا
مدینہ مزاجی قلندر قلندر
مدینے کی بے حرمتی ہو رہی ہے
مدینہ پکارے پیمبر پیمبر
نبی کی طریقت سے محروم یثرب
خموشاں ہیں سارے سخنور سخنور
ہمارے نبی ہیں ہمارے دلوں میں
مدینہ ہے مومن میسر میسر
میر مومن بلرامپوری
ایم۔اے، ایل۔ایل۔بی
لکھنؤ
