میں کملی تیڈے گھر دی سائیاں کنیز بنڑا ہنڑ در دی سائیاں

rki.news

ہجر دی سولی روز ہاں چڑھدی
پھٹ میں دل دے روز ہاں کنڑدی
تیڈی خدائی کیوں نئیں سنڑدی
بے بس کملی رڑدی سائیاں
کنیز بنڑا ہنڑ در دی سایئا ں.

در در رلدی درداں ماری
کو نجاں وانگ ہے میڈی اڈاری
میڈی جندڑی ہے میں تے بھاری
خود کولوں وی ڈرڈی سائیاں
کنیز  بنڑا ہنڑ در دی سایئا ں.

اے جگ میڈا اوچھںن کھا گئیے
ڈکھ دا بوچھن سر تے پوا گئیے
میڈا ماہی آپ روا گئے
ہجر  دی بھا وچ سڑدی سائیاں
کنیز.بنڑا ہنڑ در دی سایئا ں.

پندھ ہجر دا مکدا کیوں نئیں
ہنجھ  دا سمندر سکدا کیوں نئیں
طوفان حشر دا رکدا کیوں نئیں
گاج و چھوڑے دی گجدی سائیاں
کنیز  بنڑا ہنڑ در دی سایئا ں.

تیکوں جڈنڑدا میں ہے بھلائیم
اپنڑا آپ میں آپ ونجائم
ماس میں تن دا خد ہی کھوائیم
بے موت ہاں میں تاں مردی سائیاں
کنیزبنڑا ہنڑ در دی سایئا ں..

فریاد ایں دل دی سنڑ چا مولا
روح دے ٹکڑے چنڑ چا مولا
میں بکھری کوں بنڑ چا مولا
تیڈے کولوں ہی بس بنڑدی سائیاں
کنیز بنڑا ہنردر دی سائیاں .

ڈاکٹر نجمہ شاہین کھوسہ