rki.news
پیار کا ساگر ماں کا دل
مثلِ امبر ماں کا دل
ممتا سے پُر ہوتا یہ
بوجھ غموں کا ڈھوتا یہ
باقی سب کچھ نقلی ہے
اصلی گوہر ماں کا دل
پیار کا ساگر ماں کا
دفتر ہے یہ الفت کا
پیکر ہے یہ جنّت کا
ہیچ ہےاس سے ہراک شے
کتنا سُندر ماں کا دل
پیار کا ساگر ماں کا دل
سچائی کا درپن یہ
بچّوں کا ہے مسکن یہ
باقی سب کچھ دھندلا ہے
روشن اختر ماں کا دل
پیار کا ساگر ماں کا دل
ندیاں پروت وادی کیا
ڈھیروں سونا چاندی کیا
اس کے جیسا کوئی نہیں
سب سے بَرتر ماں کا دل
پیار کا ساگر ماں کا دل
پیار کا ساگر ماں کا دل
مثلِ امبر ماں کا دل
سرفراز حسین فراز
پیپلسانہ مرادآباد یو پی
