نعت شریف۔۔۔ صلی اللہ علیہ وسلم۔۔۔

پھیلا نبی کے دم سے یہاں نورِ کاٸنات
ان کے ہی فیض سے ہے رواں نورِ کائنات

نازل ہوئی جو ساری بھلائی جہان میں
یوں بن گیا تمام جہاں نورِ کائنات

ڈوبی یہ کائنات خدا کے ہی نور میں
تخلیق کارِ کون و مکاں نورِ کائنات

تعلیم سے نبی کی منوّر ہوا جہاں
نورِ نبی جہاں ہے وہاں نورِ کائنات

برسا زمین والوں پہ اللہ کا کرم
کرتا ہے اہتمامِ زماں نورِ کائنات

رحمت میں ڈوبی زیست مری ساری اس قدر
دیکھا ثمر نے خود میں رواں نورِ کائنات

ثمرین ندیم ثمر
دوحہ قطر
مارچ 2025