یادوں کی بارات

rki.news

ہوا ہے سرد سرد سی
فضا ہے زرد زرد سی
اُڑ رہی ہے
یادوں کی گرد گرد سی
کُھلا آسماں
بادلوں سے گِھرا
یادوں کی اوس
گر رہی ہے
منجمد یادیں
پگھل رہی ہیں
وہی پل
آج پھر
یاد آرہے ہیں
سردیوں کے ساتھ
تمہارا ساتھ
آج پھر مل رہا ہے
زمانہ وہی پرانا
پھر لوٹ آیا ہے
زیست میں وہی
شامیں
خوب صورتی بکھیر رہی ہیں
ساتھ ہو رہا ہے
خوب سے خوب صورت
ہوا سرد اور موسم خنک
کافی کے کپ
کے ساتھ
یادوں کی بارات
ماضی سے
حال میں ڈھل گئی ہے

ثمرین ندیم ثمر