اعجاز خان میو کی کتاب “مکاں سے لامکاں تک”:ایک مطالعہ

ڈاکٹر رحمت عزیز خان چترالی
*
“مکاں سے لامکاں تک” اعجاز خان میو کے کالموں پر مشتمل ایک منفرد تصنیف ہے جو اسلامی تاریخ، مذہبی تعلیمات، اور فلسفیانہ موضوعات پر تحریر کی گئی ہے۔ مصنف نے اپنی اس تصنیف کو قارئین کے نام منسوب کیا ہے۔ کتاب کا دیباچہ خود لکھا ہے، جس میں اس کی تخلیق کے مقاصد اور موضوعات پر روشنی ڈالی گئی ہے۔ مشہور شخصیات مشتاق احمد قریشی اور احمد فہیم میو کے تاثرات بھی کتاب میں شامل ہیں۔ یہ کتاب 256 صفحات پر مشتمل ہے اور پاکستان آئی گروپ آف نیوزپیپرز سیالکوٹ کے زیر اہتمام شائع کی گئی ہے۔اعجاز خان میو جو کہ گورنمنٹ ہائی اسکول شہزادہ، سیالکوٹ میں ایس ایس ٹی کے طور پر خدمات انجام دے رہے ہیں، ایک ممتاز ادیب اور ماہر تعلیم ہیں۔
ان کےقلمی سفر کا آغاز بنیادی طور پر اس وقت ہوا جب وہ میٹرک میں زیر تعلیم تھے۔ پہلی دفعہ چونڈہ کی ایک تنظیم نے یوم پاکستان کے موقع پر گورنمنٹ ہائی سکول چونڈہ کے ہال میں نظریہ پاکستان کے حوالے سے ایک پروگرام منعقد کروایا تھا تو انہیں ایک نظم پڑھنے پر حوصلہ افزائی کا انعام ملا۔ بعد ازاں مقامی اخبارات روزنامہ نوائے شمال سیالکوٹ ، ہفت روزہ صدائے عام پسرور ، ہفت روزہ ندائے پسرور ، ہفت روزہ نارووال گزٹ نارووال، ہفت روزہ باب خیبر نارووال میں لکھنے لکھانے کا سلسلہ جاری رہا۔ پھر ۱۹۹۰ میں ماہنامہ رسالہ رستم پسرور کے نام سے شائع کیا اور ۱۹۹۸ میں سیالکوٹ سے ویکلی پاکستان آئی اخبار شائع کیا ۔ انہیں ادبی خدمات کے اعتراف میں اب تک ادارہ کار خیر گوجرانوالہ سے گولڈ میڈل اور نقد انعام کے علاوہ مختلف ادبی تنظیمو ں سے بیسیوں ایوارڈ ز مل چکے ہیں ۔جن کی تفصیل ا س طرح ہے ۔
٭بیسٹ ٹیچر ۔۔۔۔۔1998 ڈسٹرکٹ ایجو کیشن آفیسر(SE) سیالکوٹ
٭ بیسٹ ٹیچر ۔۔۔۔2014 تحصیل ایجوکیشن کونسل پسرور
٭ بیسٹ رائیٹر ۔۔۔۔2018پاکستان صدائے میو فورم لاہور
٭خصوصی ایوارڈ ۔۔۔2019 ڈسٹرکٹ ہیڈ ماسٹر ز ایسو سی ایشن سیالکوٹ(برائے مرادِ رسول کتاب)
٭خصوصی ایوارڈ ۔۔۔۔۔2019 پاکستان صدائے میو فورم لاہور(برائے مرادِ رسول کتاب)
٭ بیسٹ رائیٹر ۔۔۔۔ 2020 پاکستان صدائے میو فورم لاہور
٭ سردار ادبی ایوارڈ۔۔۔۔2021 بزم زوق ادب جامکے چیمہ سیالکوٹ
٭ گولڈ میڈل ونقد انعام(برائےداما رسول ) ۔۔2021 ادارہ کار خیر گوجرانوالہ
٭ پیر فضل حق گجراتی ایوارڈ۔۔۔2021 متر سانجھ پنجاب گجرات
٭ ادبی وتعلیمی ایوارڈ ۔۔۔۔2022 نیوز گلوب ملتان
٭ علامہ اقبال ایوارڈ۔۔2022 بزم علم و ادب سیالکوٹ
٭ حسن کارکردگی ایوارڈ۔۔2022 انٹر نیشنل رائٹرز فورم پاکستان
٭سیرت رسول ﷺ ایوارڈ2023 ۔۔۔بھیل انٹر نیشنل ادبی سنگت ننکانہ
٭پاکستان ڈائمنڈ جبلی ایوارڈ 2023۔۔بھیل انٹر نیشنل ادبی سنگت ننکانہ
٭پاکستان ڈائمنڈ جبلی ایوارڈ 2023۔۔کھرل ادبی سنگت انٹر نیشنل بچیکی
٭الوکیل فروغ ادب ایوارڈ 2023 ۔۔عاشق حسین خان ایڈووکیٹ میموریل آرگنائزیشن حاصل پور
٭الوکیل اردو ایوارڈ2023 ۔۔عاشق حسین خان ایڈووکیٹ میموریل آرگنائزیشن حاصل پور
٭قابل فخر مصنف اسلامی کتب ایوارڈ۔ ۔2023 پاکستان صدائے میو فورم لاہور
٭ادب سماج انسانیت ایوارڈ ۔۔۔ 2023 انٹر نیشنل رائٹرز فورم پاکستان
علامہ اقبال ایوارڈ ۔۔۔۔۔۔ 2023 بزم علم و ادب سیالکوٹ
٭رقص قلم گولڈ میڈل(داماد رسول) ۔۔۔۔۔۔۔2024 بزم شمسی پاکستان
٭گرینڈ ایوارڈ( اسلامی و ادبی اسکالر۔۔۔2024گلوبل رائٹرز ایسو سی ایشن اٹلی
٭کے ایم ایس ایوارڈ ۔۔۔۔۔۔۔ 2024 الفانوس پاکستان
٭ ایف جے ایوارڈ ۔۔۔۔۔۔۔2024 ایف جے رائٹرز فورم پاکستان
٭ بھیل گولڈ میڈل ۔۔۔۔۔ 2024 بھیل انٹر نیشنل ادبی سنگت ننکانہ
٭ وارث شاہ گولڈ میڈل ۔۔۔۔۔2024 تحریک اصلاح معاشر ہ پاکستان
٭سردار ادبی ایوارڈ ۔۔۔۔۔۔۔2024 بزم ذوق ادب جامکے چیمہ سیالکوٹ
٭ بلھے شاہ گولڈ میڈل ۔۔۔۔۔2025تحریک اصلاح معاشر ہ پاکستان
٭ طارق عزیز گولڈ میڈل ۔۔۔2025تحریک اصلاح معاشر ہ پاکستان
٭ عبدالحمید عدم لائف ٹائم اچیومنٹ ایوارڈ ۔۔۔2024 بزم سرخیل اب پاکستان
٭ جلوۂ نور گولڈ میڈل ۔۔۔۔ 2025تحریک اصلاح معاشرہ پاکستان
ان کی دیگر مشہور کتب میں اسلامی تاریخ اور شخصیات پر مشتمل مضامین شامل ہیں، جن میں “عاشق رسول حضرت ابو بکر صدیق”، “مراد رسول سیدنا عمر فاروق”، داماد رسول ﷺ عثمان بن عفان، برادر رسول علی المرتضیٰ، “عرش سے فرش تک” اور عرب سے عجم تک قابل ذکر ہیں۔کتاب “مکاں سے لامکاں تک” مذہب، تاریخ، اور فلسفے کے امتزاج پر مشتمل مضامین کا مجموعہ ہے۔ مصنف نے تاریخی واقعات کو نہایت باریک بینی سے بیان کیا ہے اور ان سے متعلق اخلاقی و روحانی نکات کو اجاگر کیا ہے۔ یہ کتاب اسلامی شخصیات کی زندگی کے غیرمعمولی پہلوؤں پر مشتمل ہے اور ان کی زندگیوں سے جڑے عبرت آموز واقعات کو بھی کتاب میں شامل کیا گیا ہے۔اس کتاب کا بنیادی موضوع انسان کی روحانی ترقی اور اس کے “مکاں” (محدود دنیاوی زندگی) سے “لامکاں” (اللہ کی قربت اور روحانی کمال) کی طرف سفر پر مشتمل ہے۔ مصنف نے اسلامی تعلیمات کی روشنی میں اس سفر کو مختلف کہانیوں اور واقعات کے ذریعے بیان کیا ہے، جن میں انبیاء، صحابہ کرام، اور اولیاء اللہ کی مثالیں شامل ہیں۔کتاب 33 موضوعات پر مبنی ابواب میں تقسیم ہے، جو مختلف تاریخی و مذہبی واقعات کا احاطہ کرتے ہیں۔ ہر باب ایک منفرد کہانی یا واقعے پر مبنی ہے اور اسے نہایت دلچسپ انداز میں بیان کیا گیا ہے۔ مصنف کا اسلوب سادہ، پرکشش اور فکر انگیز ہے، جو قاری کو شروع سے آخر تک کتاب سے جڑے رہنے پر مجبور کرتا ہے۔”مکاں سے لامکاں تک” صرف کالموں کا مجموعہ ہی نہیں بلکہ ایک فکری اور روحانی دعوت بھی ہے۔ مصنف نے مذہب اور فلسفے کے امتزاج کو نہایت خوبصورتی سے بیان کیا ہے۔ کتاب کے ہر باب میں موجود اخلاقی سبق قاری کو اپنی زندگی پر غور کرنے اور اپنی روحانی حالت کو بہتر بنانے کی ترغیب دیتا ہے۔مصنف نے انبیاء اور صحابہ کرام کی زندگی کے اہم واقعات کو کتاب میں شامل کیا ہے، جو مسلمانوں کے لیے مشعل راہ ہیں۔کتاب کا مرکزی پیغام یہی ہے کہ انسان اپنی دنیاوی حدود سے نکل کر اللہ کی قربت حاصل کر سکتا ہے، بشرطیکہ وہ اسلامی تعلیمات پر عمل کرے۔یہ کتاب موجودہ دور کے مسلمانوں کو ایک راہ دکھاتی ہے کہ وہ کس طرح اپنے اخلاق و کردار کو بہتر بنا سکتے ہیں اور اللہ کی رضا حاصل کر سکتے ہیں۔خلاصہ کلام یہ ہے کہ “مکاں سے لامکاں تک” ایک بہترین کتاب ہے جس میں اسلامی تاریخ، فلسفے، اور روحانیت کے موضوعات کو ایک جگہ مین جمع کیا گیا ہے۔ مصنف کا فکری اور ادبی اسلوب کتاب کو نہایت دلچسپ اور قابلِ مطالعہ بناتا ہے۔ میں مصنف کو کتاب کی اشاعت پر مبارک باد پیش کرتا ہوں۔*ڈاکٹر رحمت عزیز خان چترالی کا تعلق خیبرپختونخوا چترال سے ہے آپ اردو، انگریزی اور کھوار زبان میں لکھتے ہیں ان سے اس ای میل
rachitrali@gmail.com اور واٹس ایپ نمبر 03365114595 پر رابطہ کیا جاسکتا ہے