حمد

Poetry - سُخن ریزے , Snippets , / Friday, September 5th, 2025

rki.news

روشن اندر سے مجھ کو کر مولا
میرے باطن میں نور بھر مولا

میں نہ دیکھوں جہاں کی چیز کوئ
دے ان آنکھوں کو وہ نظر مولا

میرے آنسو تیرا ہی نام لکھیں
دے میرے دل کو ایسا ڈر مولا

روح کی میں نے کھڑکی کھولی ہے
اس میں اپنا بنا دے گھر مولا

تجھ کو تکتی رہوں جہاں سے میں
ملے جنت میں ایسا در مولا

پہنچوں میں عرش کی بلندی پہ
ایسے مجھ کو لگا دے پر مولا

حمد تیری پڑھے سدا خانم !
دے اسے ایسا اک ہنر مولا

فریدہ خانم ….. لاہور , پاکستان ۔