دل کے دامن میں بستے لوگ…

Articles , Snippets , / Sunday, November 30th, 2025

rki.news

تحریر۔فخرالزمان سرحدی ہری پور
علاقہ کے لوگ جب بھی ملتے ہیں تو بہت خوشی ہوتی ہے۔دامن دل میں بسنے والوں سے ملاقات ہوتی ہے تو مسرت و شادمانی کے پھول کھل اٹھتے ہیں۔کس قدر خوشی ہوتی ہے یہ حقیقت تو دل ہی کے گوشوں سے عیاں ہوتی ہے۔علاقہ میں فوت ہونے والوں کی نماز جنازہ میں ادا کرنے کے لیے علاقہ بھر سے آۓ لوگ ایک دوسرے سے محبت اور الفت سے ملتے ہیں۔یہ سماج کی سب سے بڑی رونق اور خوبصورتی ہے۔مختلف خاندانوں اور قبیلوں سے آنے والے جب خوش اخلاقی اور حسن اخلاق سے ملتے ہیں تو دل کی دنیا حسین ہوتی ہے۔ہمارے علاقہ کی مختلف سیاسی٬سماجی٬مذہبی اور عوامی شخصیات سرمایہ ہیں۔بقول شاعر:-
افراد کے ہاتھوں میں ہے اقوام کی تقدیر
ہر فرد ہے ملت کے مقدر کا ستارہ
ایک ایک ہستی اور شخصیت پر جس قدر لکھا جاۓ پھر بھی کم ہے۔چودھری گل داد صاحب بھٹڑی ڈیم ہری پور میں انتقال کر گئے۔ان سے قبل کوکا ہری پور میں جدون برادری سے تعلق رکھنے والے خان بھائی کا انتقال ہوا۔آج جب نماز جنازہ ادا کرنے کے لیے جانے کا اتفاق ہوا تو علاقہ بھر سے آئی شخصیات سے ملاقات ہوئی۔ جاوید خان ایڈیشنل اسسٹینٹ کمشنر ہری، مقرب خان بھٹری٬لیاقت خان ریحانہ سابق چیئرمین ،قاری افتخار صاحب ریحانہ٬ملک ممتاز کروالہ٬مسعود خان سید آباد٬شمریز خان جدون بادشاہیہ٬چودھری چن زیب بستی عبداللہ گھیبہ٬ملک شاہنواز میرا شاہ مقصود٬چودھری محمد اکرم سیریاں٬تیمور خان ٬چودھری مسعود احمد ٬شبیر شاہ ڈلیاں بھٹڑی٬نسیم خان جدون ڈنگ٬ارشاد خان بھٹری٬چودھری طارق ٬حاجی عبدالرزاق ڈنگ٬حبیب الرحمان کیپٹن ریٹاٸرڈ ڈنگ٬مسعود خان کیپٹن ریٹائرڈ ڈولنی ،محمد نواز خان جدون صوبیدار ریٹاٸرڈ کوکا٬خان نواز خان جدون کوکا٬اظہر خان جدون کوکا،لیاقت خان راجدھانی، اعجاز خان بھٹری٬اور علاقہ کی بے شمار ہدتیوں سے ملاقات ہوٸی۔اویس اور ابراہیم جو میرے شاگرد بھی ہیں۔ان کے والد محترم کی جداٸی پر ان کے دکھ میں شریک سبھی لوگ قابل احترام اور قابل قدر ہیں۔مقرب خان صاحب بھٹڑی کے ساتھ چند لمحات گزرے تو ماضی کی یادیں تازہ ہوئیں۔اور چودھری شبیر کے ساتھ فاتحہ کے لیے مرحوم خان کے گھر گئے تو ان کا گزرا ہوا زمانہ بہت یاد آیا۔نیئر خان جدون اور دیگر سے تعزیت کی اور فاتحہ خوانی کی۔ایک بات مدنظر رہنی چاہیے کہ اسلام کا کس قدر پیارا نظام ہے جب بھی کوئی مسلمان فوت ہوتا ہے تو مسلمان بغیر کسی رنگ و نسل کے امتیاز کے نماز جنازہ میں شرکت کرتے ہیں۔بخشش کے لیے دعاٸیں مانگتے ہیں۔اظہار تعزیت کرتے ہیں۔یونین کونسل ریحانہ ہری پور میں جب علاقہ کے لوگ ایک دوسرے سے ملتے ہیں تو دل کے آنگن میں الفت کے پھول کھلتے ہیں۔ملک و ملت میں بھی ایسے ہی رویوں اور کردار کی ضرورت ہے۔دل میں بستے لوگ ہی تو زندگی کا سرمایہ ہوتے ہیں۔شہباز خان چیئرمین بھٹڑی کے والد محترم اور مقرب خان صاحب کے ساتھ چند لمحات گزرے ٬دل کی باتیں ہوٸیں۔دعا ہے اللہ کریم میرے دیس میں بسنے والوں کو سلامت رکھے ۔گہری نظر سے دیکھا جاۓ تو ہر فرد قیمتی ہے۔ہر فرد ملت کے مقدر کا روشن ستارہ ہے۔مل کر بسنے والوں کا یہ جہان کس قدر خوبصورت ہے کہ ایک دوسرے کے دکھ درد میں شریک رہتے ہیں۔اسلام کی خوبی کس قدر اہمیت رکھتی ہے جو دنیا کے اور کسی مذہب میں نہیں۔دل کی دنیا آباد اسی ساعت ہوتی ہے جب محبتوں کے تقاضے پورے ہوتے ہیں۔اس علاقہ٬اس دیس اور وطن کی مٹی سے محبت دل کی پکار ہے۔دعا ہے سب پھول کھلے رہیں۔سبھی لوگ مل جل کر نفرتوں کا خاتمہ کریں۔میرے علاقہ میں زندگی اسی طرح مسکراتی رہے۔