rki.news

اردو زبان و ادب کی ترویج صائمہ کنول کا مقصدِ حیات ہے (شفیق مراد )
(ڈائریکٹر میڈیا شریف اکیڈمی ) شریف اکیڈمی کے بورڈ آف ڈائریکٹر ز کے متفقہ فیصلے کے مطابق جرمنی میں مقیم اردو زبان و ادب کی خدمت میں پیش پیش شاعرہ ،ادیبہ اور تحقیقی ماہرہ صائمہ کنول کو شریف اکیڈمی جرمنی کے زیر اہتمام شائع ہونے والے علمی ادبی جریدے شمس میگ ۔لندن کا ایڈیٹر نامزد کیاگیا ۔ آپ عرصہ 25 سال سے مختلف ادبی تنظیموں سے وابستہ رہ کر فروغ اردو ادب کے لیے اپنی خدمات سر انجام دے رہی ہے ۔آپ کا تعلق لاہور سے ہے اوائل عمری میں اپنے والدین کے ہمراہ جرمنی تشریف لائیں ۔اردو زبان اپنے والدین سے سیکھی 2004 میں شاعری کی ابتدا ہوئی۔ تحقیق کا شوق آپ کی پہلی کتاب ۔عورت ۔کی صورت میں منظر عام پر آیا ۔ 2020 میں پہلا شعری مجموعہ۔ نئی منزل بلاتی ہے ۔اور 2024 میں دوسرا شعری مجموعہ ۔حسن خامشی۔ گلستانِ ادب کی زینت بنا ۔آپ کو متعدد ایوارڈ اور اسناد سے نوازا جا چکا ہے ۔صائمہ کنول خوبصورت اور پختہ لب و لہجے کی شاعرہ ہونے کے ساتھ ساتھ ادب کی خدمت کا بے پناہ جذبہ رکھتی ہیں آپ سنجیدہ اور مدبر خاتون ہیں ان کی خواہش ہے کہ اردو زبان و ادب کی ترقی اور ترویج ہو ۔ان کے جذبوں کا اعتراف کرتے ہوئے شریف اکیڈمی جرمنی کے بورڈ آف ڈائریکٹرز نے انہیں شمس میگ ۔لندن کا ایڈیٹر نامزد کیا ۔بورڈ آف ڈائریکٹرز کے فیصلے کا خیر مقدم کرتے ہوئے شریف اکیڈمی کے چیف ایگزیکٹو شفیق مراد نے کہا کہ صائمہ کنول اپنے مقاصد میں سنجیدہ اور مدبر خاتون ہیں ۔اردو زبان و ادب کی بے لوث خدمت کرنے والی شخصیت ہیں وہ عالم با عمل ہیں انہوں نے صائمہ کنول کو اکیڈمی کے لیے ایک قیمتی اثاثہ قرار دیتے ہوئے اس یقین کا اظہارکیا کہ وہ اپنی خداداد صلاحیتوں کو بروئے کار لاتے ہوئے شمس میگ کی ایڈیٹر کے طور پر اپنے فرائض منصبی بخوبی سر انجام دیں گی۔انہوں نے اکیڈمی کے کرہ ارض پر پھیلے ہوئے ممبران کی جانب سے مبارکباد پیش کی ۔