غزل

Poetry - سُخن ریزے , Snippets , / Wednesday, November 6th, 2024

چاند کو ہم نے دیکھا اندر پانی میں
دیکھ رہا تھا وہ بھی ہنس کر پانی میں

چیخ اٹھا ہے کوئی اندر پانی میں
جا کے گرا ہے کس کا خنجر پانی میں

کیا میں بتاؤں کیا تھا منظر پانی میں
ڈوب رہا تھا کوئی ساگر پانی میں

ساتھ ہمیں بھی ڈوبی لے کر پانی میں
دیکھی جو ہم نے قسمت بو کر پانی میں

چور گھمنڈ ہو جائے گا سورج تیرا
اترے گا تو بھی جس دن اندر پانی میں

اس کو جدا نا کر پایا ہے کوئی بھی
پھینک کے دیکھے ہم نے پتھر پانی میں

نیند نہیں آتی ہے جن کو بستر پر
دیکھ رہے ہیں وہ بھی سو کر پانی میں

لوگ یہاں پر اتنے احمق ہیں عاطفؔ
بیر مگر سے کرتے رہ کر پانی میں

ارشاد عاطفؔ احمدآباد انڈیا