غزل

Poetry - سُخن ریزے , Snippets , / Wednesday, December 11th, 2024

ہمیں تو حرفِ تسلی بھی تازیانہ ہوا
حصارِ ضبط کو ٹوٹے ہوئے زمانہ ہوا
درِ وصال تک آئی تھیں خواہشیں کتنی
مگر یہ باب کسی کے لیے بھی وا نہ ہوا
تم اپنے دل کی لگی بھی عیاں نہیں کرتے
ہمیں تو عشق ہوا اور والہانہ ہوا
اس ایک حرف کی تجسیم عمر بھر کی ہے
جو حرف اس کے لبوں سے کبھی ادا نہ ہوا
دھمال ڈالتی رہتی ہیں روز یادیں تری
یہ میرا دل نہ ہوا ، تیرا آستانہ ہوا
تمام عمر رہے ہیں نشانے پر دونوں
وہ میرا تیر ہوا یا مرا نشانہ ہوا
پکارتے ہی رہے ہم سرِ دیارِ طلب
ہمارے ساتھ کسی کا بھی رابطہ نہ ہوا
بدن کوبھیجتا رہتا ہےروز گھاؤ نئے
دماغ گویا اذیت کا کارخانہ ہوا
بس ایک خواب کی دوری پہ وصل تھا آصف
سرائے عشق سے جس روز میں روانہ ہوا
آصف شفیع