غزل

Poetry - سُخن ریزے , / Thursday, January 23rd, 2025

سب دکھاوا ہے اور ہے مایا
تیری پلٹے گی ایک دن کایا

پیسہ آیا ، مگر تجھے افسوس
بات کرنے کا ڈھنگ کب آیا؟

کیوں نہ تجھ پر عذاب نازل ہو
زندگی بھر حرام ہی کھایا

حشر میں یہ حساب دینا ہے
کتنا کھویا تھا اور کیا پایا

بنتِ حوا کا شکوہ جائز ہے
ابنِ آدم نے اس کو تڑپایا

صبر کا جام پی لیا میں نے
قہر پر قہر تو نے کیوں ڈھایا

سوز تمثیلہ اس قدر کیوں ہے؟
شعلہ کیسا ہے تو نے بھڑکایا

شاعرہ تمثیلہ لطیف