غزل

Poetry - سُخن ریزے , Snippets , / Friday, August 8th, 2025

rki.news

میں خوشبو کا جھونکا تو صحرا کی دھول
کہ ہیں مختلف تیرے میرے اصول

فضا گل ستاں کی مبارک تمہیں
کھلاتے ہیں ہم تو بیاباں میں پھول

بھلا کون سنتا ہے کس کی صدا
یہاں حال دل ہے سنانا فضول

سزا ظالموں کو وہ دیتے نہیں
عجب آج ہے منصفوں کا اصول

جہاں میں نے دیکھی گلوں کی قطار
اسی گل ستاں میں ملے ہیں ببول

شریعت سے میں منحرف کیوں رہوں
میری رہنما جب ہیں بی بی بتول

تیرے اگے ہوں سر بسجدہ خدایا
دعائیں میری کر لے یا رب قبول

نظر کہتی ہوں میں غزل پر غزل
تخیل کا ہوتا ہے جب بھی نزول

ڈاکٹر شمائلہ آفرین