غزل

Poetry - سُخن ریزے , Snippets , / Wednesday, September 17th, 2025

لے کے قاتل سے روپیہ چپ چاپ
کر دیا آپ نے رہا چپ چاپ

دیکھ کر ان کا دلنشیں چہرہ
میں بھی یارو نہ سکا چپ چاپ

خواب میں ہی سہی وہ آ جاتی
میں اسے صرف دیکھتا چپ چاپ

چاہتے ہو کہ تم ستم ڈھاؤ
لوگ سہتے رہیں؟ سدا چپ چاپ

عدل و انصاف کا ہوا ہے خون
اور بیٹھی ہے عدلیہ چپ چاپ

راقم وقت رہ نہ پائے گا
سن کے غزہ کا سانحہ چپ چاپ

پھیل جائے نہ انتشار کہیں
مصلحت تھی کہ میں رہا چپ چاپ

تم نے پوچھے بغیر ہی منصور
کر لیا دل میں فیصلا چپ چاپ

منصور اعظمی دوحہ قطر