غزل

Poetry - سُخن ریزے , / Tuesday, October 21st, 2025

rki.news

ایسا نہیں کہ زیست مَزے دَار اب نہیں
لیکن کسی کا کوئی بھی غَم خوار اب نہیں

سب اپنی اُلجھنوں کو ہی سُلجھا رہے ہیں بس
غَم سے کسی کے کوئی خَبردار اب نہیں

رَاحت اُنھیں کی یاد سے ملتی ہے قَلب کو
کیسے کہوں کہ اُنکا میں بیمار اب نہیں

للّہ کوئی وَصل کا رستہ نکالئے
دوری گوارا آپ سے سَرکار اب نہیں

کرتا ہے یاد آپ کو آٹھوں پَہر حضور
اک پَل بھی قلب آپ سے بیزار اب نہیں

بیتے دِنوں کی بات پہ پردے گرائیے
یہ دَور ہے قلم کا جی تَلوار اب نہیں

رکھتے نہیں خیال حرام و حال کا
یوں بھی دعائیں اپنی اثر دار اب نہیں

اَب اپنے دل کی بات بھی آتی نہیں سمجھ
پازیب کی حضور یہ جھَنکار اب نہیں

ہم تھک چُکے مناتے- مناتے اُنھیں فراز
اُن سے معاملات کا اسرار اب نہیں

سرفراز حسین فراز پیپل سانہ مرادآباد یو.پی