Rahbar Kisan Internation

Poetry - سُخن ریزے , Snippets , / Friday, August 9th, 2024

تمام رات مسلسل ایاغ چلتا رہا
درونِ قلب مسلسل چراغ جلتا رہا

عجب کہانیاں بنتی ہیں نصف راتوں میں
شباب ِ نو سے مسلسل شرر ابلتا رہا

مٹائی تیرگئ شب کہ چاندنی بھی مِٹی
کسی تلاش میں یہ چاند روز ڈھلتا رہا

یہ ان کا دعویٰ مسیحائی کا ہے مکر و فریب
لپٹ کے ان سے مسلسل کوئی مچلتا رہا

ہمیشہ اشکوں کی زد میں ہی رات ڈھلتی رہی
امید ِ جاں میں مسلسل جگر پگھلتا رہا

یہ ہم سے پوچھو تو کیا ہے یہ شۓ بھی لطف شغف
کہ درد ِ اشک مسلسل قبا بدلتا رہا
پروین شغف

Rahbar International