غزل

Poetry - سُخن ریزے , Snippets , / Thursday, August 22nd, 2024

جھوٹ کے شہر کو پانی میں بہا دیتے ہیں
خواب کے دیس کو اک رنگ نیا دیتے ہیں

اپنے سب خوابوں کو سولی پہ چڑھا دیتے ہیں
آپ کہتے ہیں تو زنجیر ہلا دیتے ہیں

خواب دیکھے ہیں تو قیمت بھی چکای ہے ناں
خواب ہم جیسوں کو رستے سے ہٹا دیتے ہیں

بند آنکھوں میں میرے خوابوں کا تو شور تو سن
زخمی پیروں سے یہ زنجیر ہلا دیتے ہیں

راستوں کو تیری آمد کا پتا دیتے ہیں
ہم چراغوں میں نءی شمع جلا دیتے ہیں

کیا ضروری ہے تیرے نام کی تہمت جاناں
آ ،تیرے نام کو ہاتھوں سے مٹا دیتے ہیں

ہم. شب ہجر کے گم گشتہ ستارے پونم
کہکشاوں کو اک راہ دکھا دیتے ہیں

ڈاکٹر پونم نورین لاہور