نثری نظم کے منفرد شاعر مسعود قمر کی رحلت پر”

Events - تقریبات , Snippets , / Friday, April 4th, 2025

rki.news
“مقناطیسی کشش”

ہم بہت تیزی سے
اپنی اپنی منزل کی طرف رواں ہیں
ایک انجانی سی مقناطیسی کشش
گام ہر گام بڑھاوا دے رہی ہے!
جلد ہی ہمارے بوجھل پیر
ہمارا وزن اٹھانے سے انکاری ہوجائیں گے!
ہماری دیدنی شمعیں گل ہوجائیں گی
آتی جاتی سانس کی ڈوری کی لچک
دم توڑ دے گی!
اس وقت بھی ایک انجانی مقناطیسی کشش
ہمیں بڑھاوا دیتی رہے گی!
ہم بہت تیزی سے
اپنی اپنی منزل کی طرف رواں ہیں!!

(فیروز ناطق خسروؔ)