پریس ریلیز محفل نعت پاکستان، اسلام آباد — 37واں سالانہ نعتیہ مشاعرہ

Events - تقریبات , / Wednesday, April 9th, 2025

rki.news

اسلام آباد (پریس ریلیز) — محفل نعت پاکستان، اسلام آباد، دبستان وارثیہ، کراچی کے اشتراک سے 37ویں سال کے آغاز پر ایک عظیم الشان اور روح پرور نعتیہ مشاعرہ کا انعقاد کر رہی ہے۔ یہ تقریب جمعتہ المبارک، 25 اپریل 2025 کو شام 7 بجے جامعہ اسلام آباد، سٹریٹ 85-B، I-8/4، اسلام آباد میں منعقد ہو گی۔

اس مقدس محفل کا مقصد نعتیہ ادب کی ترویج، عشقِ مصطفیٰ ﷺ کی فضا کو عام کرنا، اور نوجوان نسل میں اس جذبے کو بیدار کرنا ہے۔

محفل کے مہمانِ خصوصی مفتی پروفیسر ڈاکٹر محمد ظفر اقبال جلالی ہوں گے، جو کہ پرنسپل و شیخ الحدیث، جامعہ اسلام آباد ہیں۔ ان کی علمی، فکری اور روحانی شخصیت اس تقریب کو غیرمعمولی اہمیت عطا کرے گی۔

محفل کی نظامت معروف نعت گو، ادبی شخصیت اور سیکٹری محفل نعت پاکستان، اسلام آباد جناب عرش ہاشمی انجام دیں گے، جبکہ نشریاتی و انتظامی اُمور کی نگرانی سیکٹری نشر و اشاعت محفل نعت پاکستان جناب نصرت یاب نصرت سنبھالیں گے۔

ملک بھر سے منتخب اور نامور نعت گو شعرا اس بابرکت محفل میں شرکت کریں گے اور بارگاہِ رسالت مآب ﷺ میں اپنے نذرانہ ہائے عقیدت پیش کریں گے۔

تمام عاشقانِ رسول ﷺ، علم و ادب سے وابستہ حضرات، اساتذہ، طلبہ، اور اہلِ اسلام سے مؤدبانہ گزارش ہے کہ بروقت تشریف لا کر اس روحانی محفل کو باعثِ برکت بنائیں۔

مقام: جامعہ اسلام آباد، سٹریٹ 85-B، I-8/4، اسلام آباد
تاریخ و وقت: جمعتہ المبارک، 25 اپریل 2025 — شام 7 بجے. رابطہ 03349493689