rki.news

بقلم:
احمد وکیل علیمی
ہو جے جے ہمیشہ ہی جمہوریت کی
تبھی ہوگی کھیتی بھی انسانیت کی
تعلق کی کھیتی لگے لہلہانے
نہ نیت کسی کی ہو مختاریت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہ سکھ، نہ مسیحی، نہ ہندو، مسلماں
ہماری ہی طاقت سے ہندوستاں ہے
رکھیں گے بلندی پہ پرچم وطن کا
وطن کا یہ جھنڈا ہمارا نشاں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زمانے میں یہ اک مثالی وطن ہے
وطن میرا بھارت ہے پہچان میری
مساوات اور عدل کی ایک ضو ہے
وطن سے ہی منسوب ہے شان میری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کریں سارے مل کر چلو عہدِ نو ہم
اخوّت کی پھیلائیں گے ایک ضو ہم
بقائے وطن ہے اسی میں علیمی
نہ کم ہونے دیں گے تعلق کی لو ہم