جمن دیہاڑ

Poetry - سُخن ریزے , / Friday, July 25th, 2025

rki.news

میں ایڈی لاڈو نئیں
کوئ میرے لئ جاگے
آپنڑیں نیندر خراب کرے
تے گھڑی مڑی کڑی نوں ویکھے
کدھ باراں وجے دیاں سوئیاں ملن
تے اوہ مینوں بڑے مٹھڑے بولاں چ آکھے
ہیپی برتھ ڈے ٹو یو
تینوں جمن دیہاڑ دیاں مبارکاں ہون
پھلاں وانگوں, نشے چ ڈبی واج چ , سدھراں بھرے انگ نال
ملن لئ مناوے
تے دن چڑھ دے ای
ڈاک بابو
کیہڑا تیرے لئی پھلاں دے گچھے
تاں مٹھڑے کیکاں نوں لیاوے
چل نی جھلئے ایہو جیہے سفنے نہ تک
ایہہ دنیا مطلب دی اے
تیرا بوجھا ویہلہ
کوئ کرسی وی نئیں
تے جوانی دا وی بلہا نئیں
توں سوچیا وی کنج
ایہہ سبھ تینوں مل جاؤو
جا , جا کے شیشے چ اپنی بوتھی ویکھ
آئ وڈی جمن دیہاڑ مناون آلی
سفنے اکھیاں چ سجاون آلی
چدروں باہر جاون آلی
چل اپنے آپ چ رہ
اتھرو ڈھک کے کلہی بیہہ

فریدہ خانم ، لاہور ، پاکستان ۔