دسمبر اور یادیں

Poetry - سُخن ریزے , Snippets , / Wednesday, December 10th, 2025

rki.news

شکیب زبیری
لاس انجلس ، کیلیفورنیا

کسی سر سبز وادی میں
کسی خوش رنگ جگنو کو
کبھی اڑتے ھوئے دیکھوں

” مجھے تم یاد آتی ھو “

خوابوں میں سوالوں میں محبت کے حوالوں میں
تمہیں آواز دیتا ھوں
تمہیں واپس بلاتا ھوں
یوں خود کو آزماتا ھوں
کوئی جب نظم لکھتا ھوں
اسے عنوان دیتا ھوں

” مجھے تم یاد آتی ھو “

کبھی باھر نکلتا ھوں
کسی رستے پہ چلتا ھوں
کہیں دو دوستوں کو کھلکھلاتے
مسکراتے دیکھ لیتا ھوں
کسی کو گنگناتے دیکھ لیتا ھوں
پھر۔۔۔۔۔۔۔۔
میری رفاقت کی اول و آخر

” مجھے تم یاد آتی ھو “

دسمبر میں جو موسم کا مزہ لینے کو دل چاھے
کوئی پیارا دوست فون پر بولے بڑا ھی دل نشین موسم ھے
چلو باھر نکلتے ھیں
چلو بوندوں سے کھیلیں گے
چلو بارش میں بھگیں گے
تو اس لمحے
تمھاری یاد ھولے سے
کوئی شرگوشی کرتی ھے
یہ پلکیں بھیگ جاتی ھیں
دو آنسو ٹوٹ گرتے ھیں
میں آنکھوں کو جھکاتا ھوں
بظاہر مسکراتا ھوں
فقط اتنا ھی کہتا ھوں
مجھے کتنا ستاتی ھو

” مجھے تم یاد آتی ھو ”
” مجھے تم یاد آتی ھو  “