رات اپنی کٹی نہیں رو کر

Poetry - سُخن ریزے , / Friday, November 7th, 2025

rki.news

آپ کی رات کٹ گئی سو کر

اب کسی اور کا نہیں ہونا
میں تو بس رہ گیا ترا ہوکر

دوستا قدر کر محبت کی
تو بہت روئے گا مجھے کھو کر

چھیل دے زخم یا لگا مرہم
اے مرے غم گسار کچھ تو کر

کاٹ کھاتا ہے یہ اکیلا پن
یا خدا ایک سے مجھے دو کر

غم تو یہ ہے کہ پھل نہیں پایا
آپ کے دل میں پیار کو بو کر

اک ملازم ہوں دوسرا شاعر
رُل گیا یار تُو مرا ہو کر

بات منہ پر کہوں گا میں تحسین
تو نے کرنا ہے کچھ اگر، سو کر

یونس تحسین