روزمرہ کی خوراک میں چھپے خطرات: صحت مند زندگی کے لیے آگاہی کیوں ضروری ہے؟

Articles , Snippets , / Monday, March 3rd, 2025

رائٹر: وجیہہ امداد(ماہرِ غذائیت)
زیرنگرانی: ڈاکٹر ہماعنبرین
گورنمنٹ کالج یونیورسٹی فیصل آباد۔

ہم جو کچھ کھاتے ہیں، وہ براہ راست ہماری صحت پر اثر انداز ہوتا ہے۔ اچھی خوراک نہ صرف جسم کو توانائی فراہم کرتی ہے بلکہ بیماریوں سے محفوظ رکھنے میں بھی مدد دیتی ہے۔ تاہم، آج کے دور میں بازاری کھانے، پراسیسڈ فوڈز اور جنک فوڈ کا استعمال عام ہو چکا ہے، جس کی وجہ سے کئی سنگین صحت کے مسائل جنم لے رہے ہیں۔ غذائی آگاہی کی کمی کے باعث لوگ ایسی خوراک کا انتخاب کرتے ہیں جو وقتی طور پر مزیدار اور آسان ہوتی ہے لیکن طویل مدتی نقصان پہنچا سکتی ہے۔ یہی وجہ ہے کہ ہمیں اپنی خوراک کے حوالے سے باخبر فیصلے کرنے کی ضرورت ہے۔

غذائی آگاہی کیوں ضروری ہے؟

اکثر لوگ یہ نہیں جانتے کہ جو کھانا وہ روزانہ کھا رہے ہیں، اس میں کون سے اجزاء شامل ہیں اور وہ ان کی صحت پر کیسے اثر انداز ہو سکتے ہیں۔ پراسیسڈ فوڈ میں اضافی چینی، نمک، پریزرویٹوز اور مصنوعی اجزاء شامل کیے جاتے ہیں تاکہ ان کا ذائقہ بہتر بنایا جا سکے اور ان کی شیلف لائف بڑھائی جا سکے، لیکن یہ اجزاء صحت کے لیے نقصان دہ ثابت ہو سکتے ہیں۔

یہی وجہ ہے کہ غذائی آگاہی کا فروغ ناگزیر ہے۔ اگر لوگ اپنی خوراک کے بارے میں بہتر معلومات حاصل کریں اور صحت بخش غذاؤں کا انتخاب کریں، تو وہ نہ صرف مختلف بیماریوں سے بچ سکتے ہیں بلکہ اپنی زندگی کے معیار کو بھی بہتر بنا سکتے ہیں۔

پراسیسڈ اور جنک فوڈز میں چھپے خطرات

مارکیٹ میں فروخت ہونے والی بیشتر خوراکیں ایسی ہوتی ہیں جو فوری کھانے کے قابل ہوتی ہیں، مگر ان میں شامل اجزاء ہماری صحت کے لیے نقصان دہ ہو سکتے ہیں۔ جنک فوڈ میں زیادہ مقدار میں ٹرانس فیٹس، چینی، نمک، اور کیمیکل شامل ہوتے ہیں جو وزن بڑھانے، بلڈ پریشر بڑھانے، ذیابیطس، دل کی بیماریوں اور دیگر مسائل کا باعث بن سکتے ہیں۔

چند عام مگر نقصان دہ غذائیں :

1. سوفٹ ڈرنکس اور پیک شدہ جوس:
یہ مشروبات زیادہ مقدار میں چینی پر مشتمل ہوتے ہیں، جو وزن میں اضافے اور انسولین کے عدم توازن کا باعث بنتے ہیں، جو آگے چل کر ذیابیطس اور موٹاپے کا سبب بن سکتا ہے۔

2 . بازاری بسکٹ، کیک اور مٹھائیاں:
ان میں مصنوعی میٹھاس، پریزرویٹوز اور غیر صحت بخش چکنائی شامل ہوتی ہے، جو دل کی بیماریوں اور کولیسٹرول کے بڑھنے کا سبب بن سکتی ہے۔

3 . انسٹنٹ نوڈلز اور فاسٹ فوڈ:
ان میں زیادہ مقدار میں سوڈیم پایا جاتا ہے، جو ہائی بلڈ پریشر اور گردوں کے مسائل پیدا کر سکتا ہے۔

4. پراسیسڈ گوشت (نگٹس، ساسیجز، فریز شدہ کھانے) :
ان میں نائٹریٹس جیسے کیمیکل شامل ہوتے ہیں، جو کینسر کے خطرے کو بڑھا سکتے ہیں۔

5. فرائیڈ فوڈز (سموسے، برگر، فرنچ فرائز):
زیادہ مقدار میں تلی ہوئی غذائیں ٹرانس فیٹس پر مشتمل ہوتی ہیں، جو دل کی بیماریوں اور موٹاپے کا سبب بن سکتی ہیں۔

متوازن غذا اپنانا کیوں ضروری ہے؟

بجائے اس کے کہ ہم فاسٹ فوڈ اور پراسیسڈ کھانوں کا سہارا لیں، ہمیں قدرتی، غذائیت سے بھرپور خوراک کو اپنانا چاہیے۔ متوازن غذا میں تمام اہم اجزاء شامل ہوتے ہیں جو جسم کو درکار ہوتے ہیں۔ صحت مند زندگی کے لیے درج ذیل غذائیں اپنی خوراک میں شامل کریں:

✔ پھل اور سبزیاں : وٹامنز، منرلز اور اینٹی آکسیڈنٹس سے بھرپور ہوتے ہیں اور مدافعتی نظام کو مضبوط بناتے ہیں۔
✔ دالیں، چنے اور اجناس: پروٹین، فائبر اور آئرن کا بہترین ذریعہ ہیں جو جسم کو توانائی فراہم کرتے ہیں۔
✔ دیسی گھی اور زیتون کاتیل : صحت بخش چکنائی کا ذریعہ ہیں، جو دماغی اور جسمانی صحت کے لیے مفید ہوتے ہیں۔
✔ گھر میں پکا ہوا کھانا: مصنوعی اجزاء، زیادہ نمک اور غیر صحت بخش چکنائی سے پاک ہوتا ہے، جو صحت کے لیے فائدہ مند ہوتا ہے۔

غذائی لیبل پڑھنے کی عادت اپنائیں

ہم جو کچھ کھاتے ہیں، اس کے بارے میں معلومات حاصل کرنا بہت ضروری ہے۔ پراسیسڈ فوڈ خریدتے وقت اس کے لیبل پر درج اجزاء کو ضرور پڑھیں۔ اگر کسی پراڈکٹ میں بہت زیادہ چینی، سوڈیم، پریزرویٹوز یا مصنوعی رنگ موجود ہوں، تو اسے کھانے سے گریز کریں۔

غذائی لیبل پڑھنے کے چند اہم نکات:

1. اجزاء کی فہرست کو غور سے دیکھیں: جو اجزاء سب سے پہلے درج ہوتے ہیں، وہ اس پراڈکٹ میں زیادہ مقدار میں موجود ہوتے ہیں۔

2. چینی کی مقدار چیک کریں: اگر 100 گرام میں 5 گرام سے زیادہ چینی ہو، تو وہ صحت کے لیے نقصان دہ ہو سکتی ہے۔

3. ٹرانس فیٹس اور سیچوریٹڈ فیٹس سے پرہیز کریں: یہ دل کی بیماریوں کا سبب بن سکتے ہیں۔

4. سوڈیم کی مقدار دیکھیں: اگر سوڈیم زیادہ مقدار میں ہو تو وہ ہائی بلڈ پریشر کا س