عندلیب بنت ڈاکٹر نجمِ عالم (علیگ) کے یوم ولادت پر دعاؤں سے نوازا گیا

Events - تقریبات , Snippets , / Sunday, September 7th, 2025

rki.news

علی گڑھ مسلم یونیورسٹی سے Law کی طالبہ عندلیب (مہوش) بنت ڈاکٹر نجمِ عالم(علیگ) ،(ماں زینت پروین صاحبہ )کی تاریخ پیدائش (6/ستمبر) کے موقعے سے نجم عالم سر نے اپنی رہائش گاہ پریم چند بھون میں بیٹی کے خوشگوار مستقبل کے لیے دعائیہ نشست کا اہتمام کیا ۔ نجمِ عالم سر کے بھانجے ڈاکٹر دانش کمال (جواہر لال نہرو میڈیکل علی گڑھ مسلم یونیورسٹی کے پروفیسر ،Dpt. Of Community Medicine) نےاپنی کزن عندلیب کے لیے آن لائن تحفہ بھیجکر خوشی میں شرکت کی۔ کڈس کریسنٹ اسکول کی پرنسپل مہنازبانو ، اسکول کی ٹیچر رخسار اور فلک یاسمین نیز اسکول کے سرپرست و دوردرشن کولکاتاکی اردو خبروں سے منسلک جناب احمد وکیل علیمی ( سابق ہیڈ ٹیچر کولکاتا میونسپل کارپوریشن اسکول) نے اپنے لکھے ہوئے تین دعائیہ قطعات پڑھ کر محفل کے رنگِ خوشی میں اضافہ کیا۔ تینوں قطعات کو ملاحظہ کیا جا سکتا ہے۔
خدا رکھے تجھ کو مثالوں میں بیٹی
تو رہنا سبھی کے خیالوں میں بیٹی
مبارک ہو اے عندلیب آج کا دن
رکھے تجھ کو دنیا حوالوں میں بیٹی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رہو تم حوالوں میں ، محنت کرو تم
عبادت میں مولا سے نسبت کرو تم
دعا لو سبھی کی ، کرو خوب محنت
درخشاں، درخشاں بھی قسمت کرو تم
۔۔۔۔۔۔۔۔۔۔۔۔۔.۔۔۔۔۔۔۔۔۔۔۔۔۔۔۔۔۔۔
رہو گی علیمی کی ہر اک دعا میں
سدا مہکو مانندِ خوشبو فضا میں
ہو تعریف اخلاق کی تیرے ہر سوُ
تعلق، مروّت بھی رکھنا وفا میں
احمد وکیل علیمی نے آخر میں اس دعا پر اکتفا کیا کہ اللہ عندلیب کو صحت، ایمان ، عزت اور ڈھیر ساری خوشیاں عطا کرے اور اپنے خواب و امید کو شاہکار کرنے کے لیے اللہ اسے عزم بالجزم کا راہی بنادے۔
(رپورٹ : محمد فاہیان، ایڈووکیٹ پٹنہ ہائی کورٹ)