– غزل۔

Poetry - سُخن ریزے , Snippets , / Monday, August 11th, 2025

rki.news

شاعر
مبصر ایمان
الخبر سعودی عرب

ہائے دلبر بھی کیا مصیبت ہے
خوش سخن اور خوبصورت ہے

نرم لہجہ ہے اور شرافت ہے
یار میرا بلند فطرت ہے

ہر تعلق میں کچھ سیاست ہے
بے غرض ماں کی ہی محبت ہے

لاکھ اُس سے مجھے شکایت ہو
بے بدل رشتہء اُخوّت ہے

چھین لیں اُس نے راحتیں میری
اک بلا ہے یہ جو محبّت ہے

کرتے ہو والدین کی خدمت
جان لو یہ بھی اک عبادت ہے

دل میں ہے درد، لب پہ خاموشی
کیا یہی عشق کی حقیقت ہے؟

فی زمانہ یہ دوست ہے سچّا
اِس کی ہر بات میں صداقت ہے

آئینہ بن کے دیکھ لو ایمان
“شہر کا شہر خوبصورت ہے”