غزل

Poetry - سُخن ریزے , Snippets , / Sunday, December 1st, 2024

تم سے مل کر یہ ہم نے جانا ہے
تم سے ناتا کوئی پرانا ہے

دور دنیا سے خود کو کر لیں گے
تم کو اپنے قریب لانا ہے

میں فلک تک چلوں گی سنگ ترے
تجھ کو بس اک قدم بڑھانا ہے

تیرا ملنا بڑا ہی مشکل ہے
خواب لیکن بڑا سہانا ہے

یہ تو طے تھا کہ مجھ کو رونا ہے
تیرا ملنا تو اک بہانہ ہے

یہ جو میرا غرور ہے اس کو
تیری بانہوں میں ٹوٹ جانا ہے

جن سے چہرے گلاب ہوتے ہیں
ان بہاروں کو پھر سے لانا ہے

کیوں یہ فرزانہ بات سمجھی نہیں
کون رکتا ہے جس کو جانا ہے
شاعرہ : فرزانہ صفدر ۔ کینیڈا