غزل

Poetry - سُخن ریزے , Snippets , / Monday, December 16th, 2024

قدموں میں وہ امیر کے جس رات گر پڑے
اس رات دل کے پیڑ سے جذبات گر پڑے

تیرے لئے میں لایا ہوں خود کو سنبھال کر
اب تیرے ہاتھوں سے نہ یہ سوغات گر پڑے

پا کر حسین آپ کو اک روز شرم سے
ایسا نہ ہو فلک سے یہ مہتاب گر پڑے

منظر حسین شام کا اک بار دیکھ کر
نظروں سے اپنے آپ کی دن رات گر پڑے

اب اپ جتنا روئیے جتنا بھی روئیے
ہاتھوں سے زندگانی کے لمحات گر پڑے

پل بھر میں سلطنت تری کردےگی زیر خاک
آنکھوں سے بے بسوں کی نہ برسات گر پڑے

جتنے قریب تر تھے وہ سب دور ہو گئے
کچھ روز کے لیے مرے حالات گر پڑے

امداد کر مگر کوئی احسان مت جتا
ایسا نہ ہو کہ پیالہءصدقات گر پڑے

ارشاد عاطفؔ احمدآباد انڈیا