غزل

Poetry - سُخن ریزے , / Monday, December 30th, 2024

اُس نے خط کا جواب بھیجا ہے
اور لفافے میں پھول رکھا ہے

اُسکے بارے میں جب بھی سوچا ہے

دل عجب مرحلے سے گزرا ہے

اپنے اشعار کو لہو دے کر
میں نے جذبوں سے ان کو سینچا ہے

کیا ضرورت ہے مجھ کو مرنے کی
زندگی نے مجھے پکارا ہے

ایک وحشت ہے میری مٹھی میں
دل کو آوارگی نے کھینچا ہے

تیری دنیا تجھے مبارک ہو
میں نے اک شخص ہی تو مانگا ہے

آج تمثیلہ وہ چلا آیا
آج سورج کدھر سے نکلا ہے