غزل

Poetry - سُخن ریزے , / Thursday, February 20th, 2025

جانِ من جانِ جاں محبت ہے
ہم جہاں ہیں وہاں محبت ہے

اب تو آ جاؤ تم خدا کے لیے
یہ سُہانا سماں محبت ہے

شامِ ہجر کی سرد راتوں میں
میٹھا دردِ نہاں محبت ہے

راہِ منزل کے شوق میں ہمدم
میرے دل کا مکاں محبت ہے

مجھ کو یہ سن کے پھر ہنسی آئی
تم نے پوچھا کہاں محبت ہے

دل تو بس جانتا ہے یہ صاحب
یہ زمیں آسماں محبت ہے

تشنگی دل کی بجھ نہیں پائی
بے ضرر بے زباں محبت ہے

دشتِ دنیا کی دھوپ کیا سمجھیں
خود پہ اک سائباں محبت ہے

جس میں شکوے گِلے زیادہ ہوں
وہ بس رائیگاں محبت ہے

من کے اندر میں جھانکیے تو ذرا
بُت کے اندر نہاں محبت ہے

لمس کچھ مرمریں عبادت کا
یوں ضمیرِ گماں محبت ہے

دولتِ عشق میں زیاں کیسا?
اشک آہ و فغاں محبت ہے

داغِ حسرت کے زخمی سینے میں
لالہ و گُل نشاں محبت ہے

بارگاہِ خدا میں تمثیلہ
وقت فجرِ اذاں محبت ہے

محبت پارٹ ٹو

زندگی کا نشاں محبت ہے
خامشی کی زباں محبت ہے

تاجداروں سے کچھ غرض ہی نہیں
ہم پہ ہر دم عیاں محبت ہے

اُس پہ تن من نثار ہے اپنا
سچا جو راز داں محبت ہے

اِس پہ ہر چند ہے خزاں کا موسم
پھر بھی یہ گُلستاں محبت ہے

حوصلہ ہارنا نہیں سیکھا
شوقِ منزل جواں محبت ہے

تم کو اے دل میں کیسے سمجھاؤں
خود پہ سب کچھ عیاں محبت ہے

شام ہوتے چراغ جل جائیں
جلوہ جانِ جاں محبت ہے

خود نمائی نہیں یہاں مقصود
گرد و پیشِ و زماں محبت ہے

یوں ترا شہرِ کاروبار چلے
سارا سُود و زیاں محبت ہے

چاند تاروں کی بات کیا کئیجے
مہ جبیں کہکشاں محبت ہے

رہبری راس آ گئی شاید
ایسا پیرِ مُغاں محبت ہے

خود شناسی پہ طنز مت کرنا
دل کا یہ کارواں محبت ہے

خامشیِ ٰ شب ؛ صدائے ربّانی
وسعتِ لامکاں محبت ہے

رہگزر گُم نہ ہو گی تمثیلہ
دل میں روشن نشان محبت ہے

شاعرہ تمثیلہ لطیف