” غزل “

Poetry - سُخن ریزے , Snippets , / Wednesday, March 19th, 2025

مرے دکھ پہ شہر ستم رو پڑا
لکھے لفظ جب بھی ، قلم رو پڑا

یہ دل اس کے در کی طرف چل پڑا
تھی وہ شدت غم ، صنم رو پڑا

مرے قلب و جاں نے جو صدمے سہے
کچھ ایسے کیا صبر ، غم رو پڑا

کوئ چیخ اٹھا مری روح میں
جو باقی تھا میرا بھرم ، رو پڑا

یہ جنگ و جدل ساری بے سود تھی
وجود زیاں پر ، عدم رو پڑا

تڑپ خانم ایسی مرے دل کی تھی
ہوا سجدہ حیراں ، کرم رو پڑا

فریدہ خانم ، لاہور ، پاکستان