غزل

Poetry - سُخن ریزے , Snippets , / Friday, April 4th, 2025

rki.news
کوئی کاری گری ایں کر ڈکھاوے
میں تانبے کوں بݨا سونا کھڑاوے

اساں چپ رہ کے گونگے تھی ونجوں نہ
خدا دے واسطے کوئی آ الاوے

یکیں کوں ہے خبر ہے قبر اوکھی
اے بہتر ہے نہ کوئی کہیں کوں ستاوے

اونکوں ڈیساں عمر ساری دعا میں
جے کوئی میکوں میڈا سنگتی ملاوے

زمانہ سݨ کے ڈکھڑے کھل ہے پوندا
کوئی کہیں کوں نہ اج ڈکھڑے سنڑاوے

ایں دنیا تے میڈا تاں کوئی وی کائینی
کوئی اے گال نہ کہیں کوں ڈساوے

خدا اونکوں ہے غم توں دور رکھدا
جیڑا روندیں ہوئیں کوں ونج رہاوے

جدائی دا الم ہے سب توں ودھ کے
کہیں دے لیکھ وچ اے غم نہ آوے

جیڑا ایوب کوں آہدے ہے اندھا
او خود اندھا ہے ونج عینک لواوے

حافظ محمد ایوب کھوسہ