غزل

Poetry - سُخن ریزے , Snippets , / Wednesday, June 25th, 2025

rki.news

جد او میرے نال نئیں ہوندا
میرا کوئی حال نئیں ہوندا

جہڑا رکھ لَئے دونویں پاسے
چنگا او بھئیوال نئیں ہوندا

اُس دن لوک پہچانڑیں ویندن
جیبا وِچ جد مال نئیں ہوندا

اک دن تینوں اللہ پُچھسی
میں توں روز سوال نئیں ہوندا

جہڑا اندروں صاف نہ ہووے
بندے دا او بال نئیں ہوندا

گھٹ ودھ تیری یاد آندی اے
اوکھا پورا سال نئیں ہوندا

تیری مرضی کُجھ وی سمجھیں
میرا غلط خیال نئیں ہوندا

ذُلفی سُخن عطا اے رب دی
کیں دا خاص کمال نئیں ہوندا

ًشاعر ذوالفقار علی ذُلفی
( پنڈ دادنخان جہلم )