غزل

Poetry - سُخن ریزے , Snippets , / Wednesday, July 16th, 2025

rki.news

آتا نہیں یقین کہ ان کے ملال میں
زلفیں تری سفید ہوں انیس سال میں

یہ بھی وہ بھول بیٹھی ہے بس ایک سال میں
عمریں گزار دونگی تری دیکھ بھال میں

پھر بھی وہ ہنس رہا تھا مری اور دیکھ کر
آیا ہوا تھا جبکہ مرے انتقال میں

جبکہ ہر ایک رشتہ ہے مجھ سے جڑا ہوا
دنیا میں بن کے رہ گیا پھر کیوں سوال میں

مشکل نہیں تھا اتنا تو عاطفؔ میرا سوال
اٹکا ہوا ہے وہ جو ابھی تک سوال میں

ارشاد عاطفؔ احمدآباد انڈیا