غزل

Poetry - سُخن ریزے , Snippets , / Tuesday, July 29th, 2025

rki,news

یہ خوشیاں بانٹتی مہکی ہوائیں
وطن کی ہیں کہ فردوسی ہوائیں

نہیں ہے آشنا کوئی کسی کا
چلیں ہیں دہر میں کیسی ہوائیں

لگے تھے شاخ پر پھل پھول جتنے
اڑا کر لے گئیں باغی ہوائیں

کھنڈر ہم شہر دل ہونے نہ دینگے
چلیں جتنی بھی طوفانی ہوائیں

ہوا ویران سارا شہر پل میں
قیامت ڈھا گئیں برقی ہوائیں

ہمیں شہروں میں اپنے گاؤں جیسی
کہاں ملتی ہیں ساون کی ہوائیں

مجھے شوق جنوں لے چل وہاں پھر
جہاں کرتی ہیں سرگوشی ہوائیں

چڑھے ہیں دار پر منصور کتنے
چلی ہیں جب سے منصوری ہوائیں

منصور اعظمی دوحہ قطر