rki.news

نیلام گھر میں ، دام تو لگتا ضرور ہے
یوسف بھی آ کے مصر میں ، بکِتا ضرور ہے

دل لڑکیوں کا چاہے ، طلب سے ہو بے نیاز
میلے میں چوڑیوں کو مچلتا ضرور ہے

دنیا نے کی ہوں لاکھ چھپانے کی کوششیں
وہ عشِق ہو کہ مشُک ، مہکتا ضرور ہے

راتوں کو بھول کر بھی سنانا ، نہ داستاں
اپنا کوئی ، سفر میں بھٹکتا ضرور ہے

تم چاہے جتنا دودھ پلاؤ خلوص سے
پر سانپ آستین کا ڈستا ضرور ہے

لگتا اپنی ڈار سے جیسے بچھڑ گیا
پنچھی اداس ، شاخ پہ رہتا ضرور ہے

شاید قلم بھی ہوگیا عادی حروف کا
اک نام بے خیالی میں لکھتا ضرور ہے

تمثیلہ ، اب وہ شدتیں باقی نہیں مگر
آنچل ہوا کی زد پہ مچلتا ضرور ہے

شاعرہ تمثیلہ لطیف