rki.news

جب جوانی کا سماں ہوتا ہے
ہوش میں کوئی کہاں ہوتا ہے

آگ لگتی ہے کلیجے میں مگر
آب آنکھوں سے رواں ہوتا ہے

ہم جہاں ہوتے ہیں جانجاناں
ذکر تیرا بھی وہاں ہوتا ہے

دل سلگتا ہے محبت میں مگر
ساری دنیا میں دھواں ہوتا ہے

کون گزرا ہے ادھر سے وللہ
انکی خوشبو کا گماں ہوتا ہے

ٹھاٹ ہوتے ہیں میاں انکے تو
شہر میں جن کا مکاں ہوتا ہے

آج تک ہم نہ سمجھ پائے فراز
پیار کس وقت جواں ہوتا ہے

سرفراز حسین فراز مرادآباد