غزل

Poetry - سُخن ریزے , / Monday, July 22nd, 2024

آنکھوں میں ترا عکس بنایا ہے مرے دوست
سرسوں کو ہیتھلی پہ جمایا ہے مرے دوست
لفظوں سے یہاں باندھ کے رکھےہیں کٸی تیر
لہجے میں عجب زہر ملایا ہے مرے دوست

اپنوں نے مرا ساتھ نبھایا ہی نہیں کیوں؟
اس غم نے مرے دل کو گھٹایا ہے مرے دوست

اُس پل سے ہواٶں میں اڑا رکھا ہے خود کو
جب ہاتھ نجومی کو دکھایا ہے مرے دوست

ہر پل میں کسی اور ہی دُنیا میں رہوں اب
مجھ پر کسی آسیب کا سایہ ہے مرے دوست
دولت نے نکھارا ہے ترا روپ ہمیشہ
غربت نے مرا خون بہایا ہے مرے دوست

وقت نے ملایا ہے یہ تمثیلہ ہمیں پھر
یہ وقت ہی اس موڑ پہ لایا ہے مرے دوست

شاعرہ تمثیلہ لطیف