غزل

Poetry - سُخن ریزے , Snippets , / Tuesday, October 15th, 2024

کبھی تجھ کو رلائیں گے یہ زخموں کو ہوا دیں گے
تجھے اشکوں کے دریا میں تیرے اپنے ڈبا دیں گے
کبھی ٹوٹے ہوئے حالات میں آواز دینا تم
ترے اپنے تجھے اوقات پل بھر میں بتا دیں گے
ذرا سا سوچ لے پتلے تجھے مٹی میں ملنا ہے
جلا دیں گے دبا دیں گے تجھے مٹی بنا دیں گے
جنہیں چلنا سکھایا تھا جنہیں کاندھے اٹھایا تھا
کریں گے کچھ دنوں تک یاد پھر تجھ کو بھلا دیں گے
تری دولت کا بٹوارہ سر محفل کریں گے پھر
ترے جو نام کی تختی لگی اس کو ہٹادیں گے
عالم مسافر
رشی کیش، اترا کھنڈ انڈیا