غزل

Uncategorized , / Sunday, October 20th, 2024

خوشبو کا ایک جھونکا جو پیکر میں آگیا
دستک دئیے بغیر مرے گھر میں آگیا

نیکی کے راستے پہ ہوئی جب میں گامزن
مجھ کو سکونِ قلب یوں دم بھر میں آگیا

دُر پائے شاعری کی رفاقت ہوئی نصیب
میرا وجود گہرے سمندر میں آگیا

ذرّے میں آفتاب جھلکتا ہے جا بجا
مہتاب آج کیوں ترے چکر میں آگیا

شامل ہوا ہے یوں سفرِ زندگی میں تُو
دل میرا آج سینئہ دلبر میں آگیا

اردو زبان کی ہے یہ تاثیر دیکھئے
سیلاب روشنی کا ہر اِک گھر میں آ گیا۔۔۔

ثمرین ندیم ثمر