غزل

Poetry - سُخن ریزے , Snippets , / Sunday, October 20th, 2024

دیکھ کر مجھ کو جو ہنسا ہوگا
کوئی ناقد یا وہ گدھا ہوگا
رکھ دو اخبار کیا لکھا ہوگا
پھر کوئی شہر جل گیا ہوگا
حاکمِ وقت آپ جو ٹھہرے
آپ کہتے ہیں تو بجا ہوگا
راستہ گھر کا بھول بیٹھا ہوں
ڈائری میں مرا پتہ ہوگا
لے کے محفل میں مستعار زباں
گنگ کیا خوب بولتا ہوگا
تم ہمارے ہو ، ہم تمہارے ہیں
لوحِ محفوظ پر لکھا ہوگا
میں فقط احترام کرتا ہوں
آپ لوگوں کا وہ خدا ہوگا

نور اقبال (جگتدل)