غزل

Poetry - سُخن ریزے , Uncategorized , / Wednesday, October 23rd, 2024

زخم دیتا ہے تو مرہم بھی لگا دیتا ہے
پھر شفا کے لئے رو رو کے دعا دیتا ہے
میری تصویر فریموں میں سجا دیتا ہے
بعد میں دوسری تصویر لگا دیتا ہے
اس کو شاعر نہ کہو وہ ہے پہلوان فن
اچھے اچھوں کو سدا دھول چٹا دیتا ہے
جیب میں رکھتا نہیں وہ کبھی کوئی رومال
میرے آنسو کو وہ پنکھے سے سکھا دیتا ہے
عید کا چاند بنا دیتا ہے چہرہ میرا
اور چہرے کو محرم بھی بنا دیتا ہے

نور اقبال (جگتدل)
مغربی بنگال